الملف دا هيخليك شيف أد الدنيا 🤎

 

مكرونة باللحمة المفرومة سهلة وطعمها خطير 👌

🥘 المكونات:

نص كيلو مكرونة (قلم أو سباجتي)

ربع كيلو لحمة مفرومة

بصلة كبيرة مفرومة

2 فص ثوم مفروم

2 كوب عصير طماطم

2 ملعقة صلصة

ملح وفلفل

رشة سكر صغيرة

بهارات لحمة

زيت

👩‍🍳 الطريقة:

اسلقي المكرونة في مياه مغلية بملح وزيت حسب الوقت المكتوب عليها، بعدين صفيها.

في طاسة على النار:

حطي شوية زيت.

شوحي البصل لحد ما يدبل.

ضيفي الثوم وقلبي ثواني.

حطي اللحمة وقلبي كويس لحد ما يتغير لونها وتتشوح.

ضيفي:

الملح والفلفل والبهارات.

عصير الطماطم والصلصة.

رشة السكر.

سيبيها تغلي على نار هادية 10–15 دقيقة لحد ما تتسبك.

في الآخر:

يا إما تقلبي المكرونة مع الصوص في الحلة.

يا إما تحطي المكرونة في طبق وتحطي اللحمة والصوص فوقها.

كباب حلة 🥩🍲

المكونات:

 • ½ كيلو لحمة مقطعة مكعبات

 • 1 ملعقة سمنة

 • 4 بصلات مقطعة جوانح

 • طماطم مقطعة مكعبات صغيرة

 • 1 ملعقة كبيرة صلصة طماطم

 • ملح وفلفل أسود

 • توابل لحمة

 • حبهان بودرة

 • قرفة

 • جوزة الطيب

 • ورق لورا

 • ماء ساخن

طريقة التحضير:

 1 تحمير اللحمة:�

 ◦ في حلة، نحمر اللحمة في ملعقة سمنة كويس جدًا.

 2 

 3 إضافة البصل:�

 ◦ نضيف البصل المقطع جوانح ونقلب مع اللحمة لحد ما يدبل البصل.

 4 

 5 إضافة الطماطم والتوابل:�

 ◦ نضيف الطماطم المقطعة + ملعقة الصلصة + الملح + الفلفل + توابل اللحمة + الحبهان + القرفة + جوزة الطيب + ورق اللورا.

 ◦ نقلب كويس لحد ما المكونات تتجانس.

 6 

 7 سلق اللحمة:�

 ◦ نضيف ماء ساخن يغطي اللحمة تقريبًا.

 ◦ نتركها على النار لحد ما اللحمة تستوي كويس.

 8 

 9 اللمسة الأخيرة في الفرن:�

 ◦ نضع الكباب في طاجن وندخله فرن ساخن 10 دقايق عشان ياخد لون وقرمشة خفيفة.

 10 

التقديم:

 • يقدم مع أرز أبيض أو عيش بلدي

 • ممكن تضيف شوية بقدونس مفروم للزينة �

كبسة الدجاج 🍗🍚

المقادير:

 • دجاجة كبيرة (مقطعة نصفين أو 4 أجزاء)

 • 4 كوب رز بسمتي

 • 6 كوب ميه سخنة

 • 2 بصل شرائح

 • 2 طماطم مقشرة ومقطعة مكعبات

 • 3 ورق لورا

 • ½ ملعقة صغيرة قرفة مطحونة

 • ½ ملعقة صغيرة كركم

 • ½ ملعقة صغيرة حبهان بودرة

 • ½ ملعقة صغيرة زنجبيل مطحون

 • ملح وفلفل أسود حسب الرغبة

 • 4 معالق كبيرة زيت

 • معلقة كبيرة سمنة (لدهن الدجاج قبل التحمير)

⸻

الطريقة:

 1. اغسلي الدجاج كويس وقطعيه نصفين.

 2. في حلة على النار، سخني الزيت ونزلي البصل وقلبيه لحد ما يدبل.

 3. ضيفي الطماطم وكل التوابل (ماعدا الملح) وقلبي لحد ما تتسبك.

 4. صبي الميه ولما تغلي ضيفي الدجاج، وسيبيه حوالي ساعة وربع لحد ما يستوي.

 5. ضيفي الملح، وبعدين طلعي الدجاج من الشوربة.

 6. صفي الشوربة وحطي الرز فيها، ولما يشرب الميه وطعمه يتشرب، وطي النار لحد ما يستوي.

 7. ادهنِي الدجاج بالسمنة وحمريه في الفرن لحد ما ياخد لون دهبي جميل.

 8. قدمي الرز في طبق كبير وحطي فوقه الدجاج.

🟢 بالهنا والشفا ❤

🥟 حشوات مختلفة للسمبوسة

1- سمبوسة باللحمة المفرومة 🥩

المقادير:

 • نص كيلو لحمة مفرومة

 • 2 بصلة مفرومة

 • 2 جزرة مبشورة

 • ملح – فلفل أسود – كمون – بهارات لحمة

 • ربع كوب ماية

 • شوية زيت

الطريقة:

 1. نحط الزيت في طاسة على النار ونشوح البصل لحد ما يدبل.

 2. ننزل اللحمة المفرومة ونشوحها مع البصل.

 3. نضيف الجزر المبشور ونقلب 5 دقايق.

 4. نتبل بالملح والفلفل والكمون والبهارات.

 5. نضيف ربع كوب ماية ونسيبهم 5 دقايق لحد ما تنشف.

 6. نسيب الحشوة تبرد، وبعد كده تتحشي بيها السمبوسة.

⸻

2- سمبوسة بالفراخ 🍗

المقادير:

 • صدور فراخ مفرومة أو مقطعة صغير

 • بصلة مفرومة

 • فلفل ألوان أو أخضر مقطع

 • ملح – فلفل أسود

 • شوية زيت

 • معلقة نشا مدوبة في شوية ماية

الطريقة:

 1. نشوح البصل في الزيت لحد ما يدبل.

 2. نضيف الفراخ ونقلب لحد ما تستوي وتاخد لون دهبي.

 3. نضيف الفلفل ونقلب كويس.

 4. نتبل بالملح والفلفل.

 5. نضيف النشا المدوب عشان يربط الحشوة وتبقى ماسكة.

 6. نسيبها تبرد قبل الحشو.

⸻

3- سمبوسة بالجبنة 🧀

المقادير:

 • نص كوب جبنة فيتا أو قريش

 • كوب جبنة موزاريلا مبشورة

 • ربع كوب بقدونس مفروم

 • 2 معلقة كبيرة نعناع ناشف مفروم

الطريقة:

 1. نهرس الجبنة الفيتا بالشوكة.

 2. نضيف عليها الموزاريلا والبقدونس والنعناع ونقلب كويس.

 3. ممكن نضيف شرايح زيتون أو فلفل أخضر حسب الرغبة.

 4. تتحشي السمبوسة وتبقى جاهزة.

⸻

4- سمبوسة بالخضار 🥔🥕

المقادير:

 • 3 بطاطس مكعبات صغيرة

 • 2 بصل مفروم

 • نص كوب بازيلاء

 • نص كوب جزر

 • 3 معالق كبيرة بقدونس مفروم

 • 2 معلقة صغيرة صويا صوص

 • 2 معلقة صغيرة خل

 • معلقة كبيرة صلصة بيتزا

 • مكعب مرقة خضار

 • ملح – فلفل أسود – كمون – رشة كاري

 • شوية زيت

الطريقة:

 1. نشوح البصل والبطاطس والبازيلاء والجزر في الزيت لحد ما يطروا.

 2. نضيف الصويا صوص والخل والصلصة ومرقة الخضار والتوابل والبقدونس.

 3. نقلب لحد ما الخضار يستوي.

 4. نسيب الحشوة تبرد خالص قبل الاستخدام

كفتة مشوية على الفحم

المقادير:

 • ½ كيلو لحمة مفرومة (يفضل نصفها دهن عشان تبقى طرية)

 • بصلة كبيرة مبشورة ومصفاة من المية

 • 2 فص ثوم مهروس

 • ½ كوب بقدونس مفروم

 • ملح وفلفل أسود

 • ½ معلقة صغيرة كمون

 • ½ معلقة صغيرة بابريكا

 • عصرة ليمون (اختياري)

الطريقة:

 1. اخلطي اللحمة مع البصل والثوم والبقدونس والبهارات كويس جدًا، وسيبيها ترتاح نص ساعة على الأقل.

 2. شكّلي اللحمة على أسياخ أو أصابع طولية حسب رغبتك.

 3. سخني الفحم كويس قبل الشوي، وحطي الكفتة على الشبكة أو الأسياخ.

 4. قلّبي الكفتة على كل جهة لحد ما تاخد لون دهبي وتنضج من جوه.

 5. تقدّم مع عيش بلدي وسلطة طحينة أو طماطم وخيار