صوص الجبنة الريكفورد 🤍
المكونات:
نصف كوب جبنة ريكفورد
ربع كوب ساور كريم أو زبادي
فص ثوم مفروم ناعم
عصرة ليمون صغيرة
ربع معلقة صغيرة ملح
ربع معلقة صغيرة فلفل أسود
ربع معلقة صغيرة مسطردة (خردل)
طريقة التحضير:
- اخلطي جميع المكونات مع بعضها وقلبيها لحد ما تحصلي على قوام تقيل مع بعض الكتل ولو عايزه الصوص يكون ناعم أكتر ممكن تضربيه في الخلاط الكهربائي أو بالهاند بلندر وبعدين غطيه بغطاء بلاستيك ودخليه الثلاجة قبل التقديم.
- يقدم مع الخضار أو بجانب الاستيك أو البيتزا أو الدجاج المشوي أو الدجاج البوفالو أو أي مقبلات تفضليها.
صلصه البيتزا
زيت هتشوحي فيهم توم يدوبك تشمي ريحته كده مياخدش لون عشان متقلبش صلصة مكرونة معاكي
وبتاع معلقتين كبار صلصة لحلحيهم ب ماية وحطيها ع التوم وظبطي بقى ملحك وفلفل اسمر وسكر وزعتر ♥️
صوص التارتار 🤍
المكونات:
2 كوب مايونيز
1/8 كوب عصير ليمون
ربع كوب بصل مقطع مكعبات صغيرة
ربع مخلل خيار مقطع مكعبات صغيرة
معلقة كبيرة شبت طازج مفروم
شبت للتزيين
طريقة التحضير:
- حطي المايونيز في طبق وضيفي عليه باقي المكونات واخلطيهم كويس لحد ما القوام يبقى تقيل واحفظيه في الثلاجة لحين التقديم أو قدميه فوراً.
- الصوص ده بيكون لذيذ أوي مع جميع المأكولات البحرية وخاصة الجمبري.
صوص الطحينة بالزبادي 🤍
المقادير:
كوب زبادي
ربع كوب طحينة
نصف ليمونة
معلقة كبيرة زيت زيتون
2 ملعقة كبيرة بقدونس طازج مفروم
ملح وفلفل حسب الذوق
طريقة التحضير:
اخفقي جميع المكونات في طبق متوسط الحجم وبكده بحد ما تحصلي على القوام المطلوب.
يستخدم الصوص مع المشويات أو أنواع الساندويتشات المختلفة.
صلصة الدقوس الحار ♥️
المكونات:
4 حبات طماطم حجم كبير
4 فصوص ثوم مفروم ناعم
معلقة كبيرة معجون طماطم
2 قرن فلفل أحمر مفرومين
2 معلقة كبيرة ماء
3 معلقة كبيرة خل
نصف معلقة كبيرة زيت
نصف معلقة صغيرة ملح
ربع معلقة صغيره فلفل اسود
طريقة التحضير:
- نضرب الطماطم كويس فى الخلاط ونسيبها على جنب
- نحمر الثوم فى الزيت فى حلة على نار متوسطة ونضيف الفلفل الاحمر ومعجون الطماطم وبعدين نضيف الطماطم ونبهر بالملح والفلفل الاسود
- نسيب الخليط يغلى ونخفف النار لحد ما يتسبك
- الدقوس الحار بيتقدم مع اطباق الكبسه.
صوص المشروم 😍
المقادير:
كوبين مرق (شوربة)
نصف كوب دقيق
نصف كوب مشروم شرائح
نصف كوب بصل مفروم
نصف كوب زبده
الخطوات:-
- نخلط الدقيق مع الشوربة فى حلة على النار لحد ما الدقيق يدوب وبعدين نضيف المشروم والبصل والزبدة ونقلب لحد ما الصوص يتقل ولونه يبقى بنى.
- يقدم مع الستيك والباستا أو البرجر حسب الرغبة.
صوص الكيجن 🧡
كوب مايونيز
2 معلقة كبيرة خردل محبب
فص ثوم مفروم
معلقة صغيرة صلصة رسيستيرشاير
معلقة صغيرة عصير ليمون
نصف معلقة صغيرة توابل الكيجن طريقتها تحت ⬇️
نصف معلقة صغيرة بابريكا مدخنة
1/8 ملعقة صغيرة شطة حارة
معلقة كبيرة بقدونس طازج مفروم
طريقة التحضير:
- امزجي المايونيز والخردل والثوم وصلصة ورسيستيرشاير وعصير الليمون وتوابل الكاجون والبابريكا والشطة والبقدونس في طبق صغير. وحطيها في الثلاجة لحين الاستخدام وممكن تقدميه في وقتها.
الصوص ده رائع مع جميع أنواع السندويشات والسمك المقلي.
بهارات الكيجن:
معلقة صغيرة كمون
معلقة صغيرة كزبرة ناشفة
معلقة صغيرة بابريكا
معلقة صغيرة فلفل احمر حار بودرة
معلقة كبيرة زعتر ناشف
معلقة صغيرة ثوم بودر
معلقة صغيرة بصل بودر
2 معلقة صغيرة ملح
طريقة التحضير :
- نخلط جميع المكونات كويس ونحطها في برطبان محكم الغلق لحين الاستخدام.
- ناخد مقدار نصف معلقة صغيرة ونحطها على صوص الكيجن.
- البهارات دي تقدروا تستخدموها في نقع وتتبيل الدجاج واللحوم وفي الشواء سواء في الفرن أو على الفحم، بتتميز بطعمها الرائع وبتدي لون مميز عند تحمير الدجاج أو اللحوم.
كريمة الطبخ المنزلية 🤍
المكونات :
- كوبين حليب كامل الدسم
- نصف كوب قشطة
- معلقة كبيرة دقيق
- معلقة كبيرة نشا
- ربع معلقة صغيرة ملح
- معلقة كبيرة زبدة
طريقة التحضير :
- نخفق الدقيق مع الحليب والنشا والملح في الخلاط لحد ما تتمزج المكونات مع بعضها.
- نحط الخليط فى حلة على نار متوسطة لهادية مع التحريك لحد ما الخليط يبدأ يغلي ويتكاثف وبعدين نضيف القشطة ونقلب بالمضرب اليدوي لمدة دقيقتين لحد ما الخليط يبقى كريمى نرفعه من ع النار ونسيبه يبرد وبعدين نحطه في برطمان محكم الغلق ونحفظه فى الثلاجة لحين الاستخدام.