ملف احترافى للأكلات هيخليكى شيف فى بيتك👍

🍃 ورق عنب بالكوارع 😋

المقادير:

🔸 للكوارع:

• 1 كيلو كوارع (مقطعة حلقات سُمكها 3 سم)

• 1 بصلية كبيرة مقطعة مكعبات

• عود كرفس مقطع

• 1 جزرة مقطعة

• 2 حبهان (هيل)

• 2 ورق لورا

• 6 حبات مستكة

• ملح وفلفل

• ربع كوب عصير ليمون

🔸 للحشو:

• 2 كوب رز مصري مغسول

• 1 كوب خضرة مشكلة (شبت، بقدونس، كزبرة، نعناع) مفرومين

• 1 معلقة صغيرة قرفة

• نص معلقة صغيرة قرنفل مطحون

• ملح وفلفل أسود

• 1 كوب طماطم مكعبات

• ربع كوب زيت زيتون

• ربع كيلو ورق عنب (مسلوق لو طازج، أو مغسول لو معلب)

• 1 بصلية متوسطة شرائح

• 1 بطاطساية متوسطة شرائح

الطريقة:

1 اغسلي الكوارع كويس، وسلقيها في ميّة مغلية 3 دقايق بس، وبعدين صفيها.

2 في حلة كبيرة، حطي حوالي 8 أكواب ميّة على النار، وضيفي:�

◦ البصل + الجزر + الكرفس + الحبهان + اللورا + المستكة

4 لما الميّة تغلي، نزّلي فيها الكوارع.

5 أول ما تبدأ تغلي تاني، شيلي الريم، ووطّي النار.

6 تبّلي بملح وفلفل، وسيبي الكوارع تكمل سوا لحد ما تستوي تمامًا.

7 طلّعي الكوارع من الشوربة، وسيبيها تبرد.

تحضير الحشو:

1 في بولة كبيرة، حطي الرز، وضيفي عليه:�

◦ الخضرة المفرومة

◦ القرفة والقرنفل

◦ الملح والفلفل

◦ الطماطم المكعبات

◦ نص كمية زيت الزيتون

◦ (ممكن تضيفي شوية كوارع مسلوقة ومقطعة للحشو)

3 قلّبي الخليط كويس.

لف ورق العنب:

1 افردي ورقة العنب (الناعم لتحت والخشن لفوق).

2 حطي فيها معلقة صغيرة من الحشو في النص.

3 اقفلي الجوانب ولفيها رول بإحكام.

4 كمّلي لف باقي الورق بنفس الطريقة.

التسوية:

1 في طاجن، حطي باقي الزيت في القاع.

2 رصّي شرائح البصل والبطاطس.

3 رصّي ورق العنب على شكل دواير على الأطراف، وسيبي فراغ في النص.

4 قطّعي شوية كوارع مكعبات (من غير عضم) ورصّيهم بين أصابع المحشي.

5 في النص حطي حتة كوارع بعضم كده منظرها يفتح النفس 😍

6 صبّي من شوربة الكوارع + عصير الليمون لحد ما تغطي الورق والكوارع.

7 دخّلي الطاجن فرن سخن على 180 درجة، لمدة ساعة أو لحد ما يستوي كويس.

يُقدّم سخن وبالهنا والشفا ❤️

المقادير:
• نص كيلو لحمة مكعبات (وش فخذ أو موزة)
• 2 بصل كبار مقطعين جوانح
• 2 فص توم مفروم
• 2 معلاقة كبيرة سمنة أو زبدة
• 1 معلاقة كبيرة زيت
• 1 معلاقة صغيرة ملح
• نص معلاقة صغيرة فلفل أسود
• 1 معلاقة صغيرة بهارات لحمة
• نص معلاقة صغيرة بابريكا
• 2 ورق لورا
• 3 حبات حبهان
• 1 كوب ميّه سخنة أو مرقة لحمة

⸻

طريقة التحضير:
1. في حلة سخنة على نار متوسطة، حطي السمنة والزيت لحد ما يسخنوا.
2. ضيفي اللحمة وشوّحيها على نار عالية لحد ما تاخد لون بني من كل الجهات.
3. ضيفي البصل وقلبيه لحد ما يدبل ويغمق لونه.
4. حطي التوم، ورق اللورا، الحبهان، البهارات، والبابريكا، وقلبي لحد ما تطلع ريحة الحاجات دي.
5. صبّي الميّه أو المرق، وقلّبي كويس.
6. غطي الحلة وسيبها على نار هادية حوالي 45-60 دقيقة لحد ما اللحمة تستوي، مع تقليب كل شوية وإضافة ميّه لو احتاجت.
7. قدّمها سخنة مع أرز بالشعرية أو عيش بلدي

ورق العنب وتكاته عشان يطلع مظبوط

المقادير:

ورق العنب:
• 500 جرام ورق عنب طازة أو معلب

الحشوة:
• 2 كوب أرز مصري مغسول ومصفى
• 2 حزمة بقدونس مفروم
• 1 حزمة شبت مفروم
• 1 حزمة كزبرة مفرومة
• 2 بصل كبار مفرومين ناعم
• 4 طماطم متوسطة مفرومين
• نص كوب زيت نباتي
• عصير ليمونة واحدة
• ملح وفلفل أسود حسب الرغبة
• 1 معلاقة صغيرة بهارات مشكلة
• نص معلاقة صغيرة قرفة

⸻

طريقة التحضير:
1. لو ورق العنب طازة، اسلقيه في مياه غليان 3 دقايق، وبعدين صفيه.
لو معلب، اغسليه بمياه دافية كويس.
2. في طبق كبير، اخلطي الأرز مع البقدونس، الشبت، الكزبرة، الطماطم، البصل، الزيت، عصير الليمون، الملح، الفلفل، البهارات والقرفة، وقلبي كويس.
3. افردي كل ورقة ورق عنب، حطي فيها معلقة صغيرة من الحشوة، ولفّيها بإحكام (مش شد جامد عشان الأرز يتوسع وقت التسوية).
4. في قاع الحلة، حطي شرايح طماطم أو بطاطس أو ورق عنب عشان ما يلزقش.
رصّي ورق العنب بشكل مرتب وطبقات متساوية.
5. رشي شوية زيت وعصير ليمون على الوش.
صبّي مياه مغلية تغطي المحشي، وغطي الحلة بطبق مقلوب عشان المحشي ما يطلعش من مكانه.
6. حطي الحلة على نار متوسطة لحد ما تغلي، وبعدين وطي النار وسيبيها تستوي على هادية حوالي 45 دقيقة.
7. بعد ما تستوي، سيبيها تهدى شوية قبل التقديم

كفتة الطاسة

المكونات:
• 1 كيلو لحمة مفرومة
• 2 بصلة كبيرة مبشورة ومصفاة من المية
• 1 معلقة كبيرة نشا
• 1 معلقة كبيرة دقيق
• ملح، فلفل أسود، كمون، بابريكا، وأي بهارات تحبيها

⸻

الطريقة:
• اخلطي اللحمة مع البصل المصفى، النشا، الدقيق، والتوابل كويس جدًا لحد ما العجينة تتماسك.
• بللي إيدك بمية البصل، خدّي كمية قد حجم البيضة أو أكبر شوية، اعمليها كور واضغطيها بحيث تبقى مدورة وسمكها متوسط.
• رصي الكفتة في صينية مدهونة زيت، وحطيها في الفرن على الشبكة في النص.
• خففي النار وسيبيها تستوي براحتها من غير استعجال

المكرونة بالبشاميل السايحة والكريمي

المقادير:

للبشاميل:
• 4 معالق دقيق
• 2 معلقة سمنة أو زبدة
• 1 لتر لبن
• رشة ملح وفلفل أسود
• رشة جوزة الطيب (اختياري)

للحشوة:
• نص كيلو لحمة مفرومة
• بصلة كبيرة مفرومة ناعم
• 2 معلقة زيت
• ملح وفلفل
• معلقة صغيرة بهارات لحمة
• كوب عصير طماطم
• نص معلقة سكر

للمكرونة:
• نص كيلو مكرونة قلم
• مية مغلية
• رشة ملح
• معلقة زيت

⸻

طريقة التحضير:
1. البشاميل: سخني السمنة، ضيفي الدقيق وقلبي لحد ما يحمص ويبقى لونه فاتح. صبي اللبن تدريجيًا مع التقليب عشان ما يتكتلش. حطي الملح، الفلفل وجوزة الطيب، وسيبيه يغلي ويتقل شوية.
2. الحشوة: في طاسة، سخني الزيت، حطي البصل لحد ما يذبّل، ضيفي اللحمة، الملح، الفلفل، والبهارات وقلب كويس. بعدين ضيفي عصير الطماطم والسكر وسيبيها تتسبك حوالي 10 دقايق.
3. المكرونة: اسلقيها في مية مغلية مع الملح والزيت حوالي 7-8 دقايق (مش لحد ما تستوي خالص). صفّيها وضيفي عليها مغرفة بشاميل وقلبّي.
4. التجميع: ادهني الصينية سمنة. حطي نص كمية المكرونة، فوقها شوية بشاميل، ثم طبقة اللحمة، وبعدها باقي المكرونة، وفوقها باقي البشاميل.
5. الفرن: سخني الفرن على 180 درجة، دخلي الصينية 20-25 دقيقة لحد ما يبقى لون الوش دهبي. لو حابة، شغلي الشواية 5 دقايق في الآخر.
6. سبّيها تهدى 10 دقايق قبل التقطيع عشان تبقى متماسكة

كوسة بالبشاميل باللحمة المفرومة

المكونات:
• نصف كيلو كوسة صغيرة الحجم
• نصف كيلو لحمة مفرومة
• 1 معلقة صغيرة فلفل أسود
• بهارات لحمة
• ملح حسب الرغبة
• بصلة متوسطة مفرومة
• 1 معلقة صغيرة بصل بودرة
• 1 معلقة صغيرة ثوم بودرة

مكونات البشاميل:
• 3 ملاعق كبيرة دقيق
• 2 معلقة كبيرة سمن
• 1 معلقة صغيرة فلفل أسود
• 1 كيلو حليب
• 1 كوب مرقة (اختياري)
• مية الكوسة اللي طلعت من السلق

⸻

طريقة تحضير الكوسة:
• قشري الكوسة وشيلي الطرفين، وقطعيها حلقات متوسطة.
• في حلة على نار هادية، حطي الكوسة من غير زيت، ورشي عليها الفلفل الأسود وقلبي.
• سيبيها على النار لحد ما تنزل ميتها وتذبل، وبعدها رشي الملح.
• صفي الكوسة وخدي المية اللي نزلت في طبق عميق عشان تستخدم في البشاميل.

طريقة تحضير اللحمة المفرومة:
• في حلة صغيرة على النار، سخني السمن وضيفي البصل المفروم وقلبيه لحد ما يذبل.
• ضيفي اللحمة المفرومة وقلبيها كويس.
• ضيفي الفلفل الأسود، بهارات اللحمة، الملح، البصل والثوم البودرة، وقلبي كويس.
• سيبيها تستوي على نار متوسطة مع التقليب.

طريقة تحضير البشاميل:
• في حلة على النار، سخني السمن وضيفي الدقيق وقلبيه لحد ما ياخد لون دهبي فاتح.
• ضيفي الحليب بالتدريج مع التقليب المستمر، وبعدها ضيفي المرقة ومية الكوسة.
• قلبي لحد ما القوام يبقى مناسب، وضيفي الفلفل الأسود والملح.
• ارفعيه من على النار.

⸻

طريقة تجميع الكوسة بالبشاميل:
• في صينية فرن، ادهنيها شوية سمن.
• حطي طبقة من البشاميل، وبعدها طبقة من الكوسة.
• ضيفي طبقة من اللحمة المفرومة، وبعدها طبقة بشاميل تانية، وطبقة كوسة تانية.
• صبي باقي البشاميل على الوجه.
• دخلي الصينية فرن سخن على 180 درجة لمدة 30 دقيقة.
• في آخر 5 دقايق شغلي الشواية عشان ياخد الوش لون دهبي جميل

فرايد تشيكن أحلى من المطاعم

⸻

المقادير:
• 1 كيلو قطع فراخ (حسب الرغبة)
• كوب ونصف دقيق متعدد الاستخدامات
• 2 ملعقة كبيرة نشا
• نصف ملعقة صغيرة ملح
• نصف ملعقة صغيرة فلفل أسود
• نصف ملعقة كبيرة بودرة ثوم
• نصف ملعقة كبيرة بودرة بصل
• مكعب مرقة دجاج مطحون
• ملعقة صغيرة بابريكا
• بولة مياه مثلجة

⸻

طريقة التحضير:
1. اغسلي الفراخ كويس وصفّيها تمامًا.
2. في وعاء كبير، اخلطي الدقيق مع النشا وكل التوابل (الملح، الفلفل، بودرة الثوم، بودرة البصل، مكعب المرقة المطحون، والبابريكا).
3. تبّلي قطع الفراخ بنفس التوابل، ولو بتحبيها سبايسي، ضيفي ملعقتين صلصة حارة.
4. سيبيها في التلاجة على الأقل 4 ساعات، ويفضل ليلة كاملة علشان تتشرب الطعم.
5. غمسي كل قطعة في خليط الدقيق والتوابل، وهزيها شوية علشان يطلع الدقيق الزيادة.
6. غمسي القطع في المياه المثلجة، وبعدين رجّعيها في خليط الدقيق مرة تانية، وغطّيها كويس.
7. كرري العملية مع باقي القطع، وبعدين سيبيهم في التلاجة 3 ساعات على الأقل، ويفضل يوم كامل.
8. سخني زيت غزير في طاسة عميقة على نار متوسطة.
9. اقلي قطع الفراخ واحدة واحدة مع ترك مسافة بينهم، وقليهم من 20 لـ 25 دقيقة مع التقليب كل شوية، لحد ما ياخدوا لون ذهبي ومقرمش.
10. صفيهم كويس من الزيت وقدميهم سخنين

يخني اللحمة

أول حاجة – تحضير المرقة:

المكونات:
• 1 كيلو لحمة ضاني بالعظم
• بهارات صحيحة:
(ورق لورا، قرفة، كمون، كزبرة، شمر، فلفل أسود، قرنفل، حبهان أخضر وأسود، فلفل أحمر ناشف، يانسون نجمي “اختياري”)
• بصلة كبيرة وتوم وجنزبيل
• ملح + 3-4 كوب ميّه

الطريقة:
حطّي كل المكونات مع اللحمة في حلة ضغط أو على نار هادية لحد ما تستوي 90%.
صفّي المرقة وخليها على جنب.

⸻

ثاني حاجة – تحضير البولو (الأرز باللحمة):

المكونات:
• 4 كوب رز بسمتي (منقوع 30 دقيقة)
• 7 كوب مرقة (أو تكملة بمية)
• ¼ - ½ كوب زيت
• بصل شرايح
• 2 معلقة معجون توم وزنجبيل
• فلفل أخضر
• 1 كوب زبادي
• عصير ليمون
• جارام ماسالا
• سمنة + بصل محمر للتقديم

الطريقة:
1. سخني الزيت، ضيفي ورق لورا وقرفة، وبعدها البصل لحد ما يتحمّر.
2. نزلي بمعجون التوم والزنجبيل، قلّبي شوية، وبعدها اللحمة والفلفل الأخضر.
3. ضيفي الزبادي وقلّبي لحد ما الزيت يطلع على الوش.
4. نضيف المرقة، عصير الليمون، ونتأكد من الملح.
5. حطي الرز بعد تصفيته، ضيفي السمنة والجارام ماسالا، وقلّبي كويس.
6. لما يغلي، وطّي النار وغطي الحلة لحد ما الرز يشرب السائل

طاجن مكرونة باللحمة المفرومة

المكونات:
• كيس مكرونة قلم
• نص كيلو لحمة مفرومة
• 2 بصلة مفرومة
• 2 كوب عصير طماطم
• 2 كوب مياه سخنة
• 2 فص توم مفروم
• معلقة كبيرة خل
• ملح – فلفل – شطة (اختياري) – زيت

⸻

الطريقة:
1. شوّحي البصل في شوية زيت، ضيفي التوم، وبعدها اللحمة والملح والفلفل والشطة، وقلّبي لحد ما اللحمة تستوي وتنشف.
2. دهني الطاجن بالزيت، وافردي اللحمة في القاع واضغطيها كويس.
3. في نفس الطاسة، سبّكي الطماطم مع الخل والملح والفلفل.
4. اخلطيها مع المياه، وصبيها على المكرونة الناشفة اللي فوق اللحمة في الطاجن، وقلّبي بسيط.
5. غطيه بفويل، وادخليه فرن سخن على 180 درجة حوالي 40 دقيقة.
6. شيلي الفويل واديله 10 دقايق كمان عشان يحمر.

⸻

صينية بطاطس بالكفتة

المكونات:
• 500 جرام كفتة (لحم مفروم متبل بالملح، فلفل، بصل مبشور، شوية بهارات حسب الرغبة)
• 4 بطاطس كبار مقطعين شرائح رفيعة
• 2 بصل كبار مقطعين حلقات
• 3 طماطم كبار مقطعين شرائح
• 3 معالق كبيرة معجون طماطم
• 2 فص ثوم مفروم
• ملح وفلفل أسود
• بهارات (كمون، قرفة، شطة حسب الرغبة)
• شوية زيت زيتون أو زيت عادي
• بقدونس مفروم للتزيين

طريقة التحضير:
1. سخن الفرن على درجة حرارة 180 مئوية.
2. في طاسة، حط شوية زيت وسخن، ضيف البصل وقلبه لحد ما يبقى شفاف.
3. ضيف الثوم وقلب شوي.
4. حط معجون الطماطم مع ربع كوب ماء وقلّب شوية، سيبه يغلي مع التقليب.
5. في صينية فرن، رص شرائح البطاطس في طبقة واحدة، رشة ملح وفلفل وشوية زيت.
6. حط فوق البطاطس طبقة من الكفتة المتبلة.
7. رص فوق الكفتة حلقات البصل ثم شرائح الطماطم.
8. صب عليهم صلصة معجون الطماطم اللي حضرتها.
9. غطي الصينية بورق ألمونيوم وحطها في الفرن لمدة 40 دقيقة تقريبًا.
10. شيل ورق الألومنيوم وخلي الصينية في الفرن 10-15 دقيقة لحد ما تحمر الوجه شوية

طاجن لسان عصفور باللحمة

المكونات:
• ½ كيلو لسان عصفور
• ½ كيلو لحمة مكعبات
• 1 بصلة كبيرة
• 1 فلفل أخضر
• 1 جزرة متوسطة
• 1 معلقة كبيرة ثوم مفروم
• 2 معلقة كبيرة زيت
• 1 مكعب مرقة
• 2 كوب عصير طماطم
• 1 معلقة كبيرة صلصة طماطم
• ملح وفلفل أسود
• ½ معلقة صغيرة بصل بودر
• ½ معلقة صغيرة ثوم بودر
• ½ معلقة صغيرة كركم
• ½ معلقة صغيرة كاري
• 2 معلقة كبيرة زبدة
• ماء ساخن حسب الحاجة

طريقة التحضير:
1. في طاسة على النار، سخني الزيت وضيفي البصل، الفلفل، والجزر بعد فرمهم مع الثوم، وقلبي حتى يذبّلوا.
2. ضيفي اللحمة ورشي عليها الفلفل الأسود، بصل بودر، ثوم بودر، كركم، وكاري، وقلبي حتى تتشوح كويس.
3. زيدي ماء ساخن وغطي الطاسة وسيبي اللحمة تستوي على نار متوسطة.
4. في صينية، حمّري لسان العصفور في قليل من الزيت لحد ما ياخد لون دهبي، وضيفي مكعب المرقة وقلبي.
5. في بولة، ذوّبي صلصة الطماطم في عصير الطماطم مع شوية ماء، الملح، والفلفل، وضيفيها على لسان العصفور وقلبي.
6. في طاجن الفرن، حطي لسان العصفور، وضيفي اللحمة بالصوص بتاعها، وزودي ماء ساخن حسب الحاجة.
7. دخلي الطاجن فرن ساخن على 180 درجة لمدة 20 دقيقة، وراعي تضيفي ماء سخن لو احتاج عشان ما ينشفش.
8. قبل التقديم، ضيفي قطع الزبدة على الوجه وشغلي الشواية حتى ياخد لون ذهبي جميل.

بالهنا والشفا

طاجن اللحمة بالبصل

المقادير:
• 1 كيلو لحمة مسلوقة
• 1 ثمرة بصل كبيرة مقطعة جوانح رفيعة
• 1 ملعقة كبيرة ثوم مفروم
• 2 ثمرة طماطم كبيرة مبشورة
• 2 ملعقة كبيرة صلصة طماطم
• 1 ملعقة كبيرة سكر
• 1 قرن فلفل حار صحيح (اختياري)
• 1 قرن فلفل رومي مقطع
• 1 ملعقة كبيرة سمن بلدي أو زبدة مع قليل من الزيت
• مرق لحمة ساخن (من 1 إلى 1.5 كوب)

⸻

التوابل:
• ملح حسب الذوق
• فلفل أسود حسب الذوق
• 1 ملعقة صغيرة حبهان مطحون
• 1 ملعقة صغيرة كبابة صيني
• رشة جوزة الطيب

⸻

طريقة التحضير:
1. على نار هادئة، ضعي الطاجن مباشرة على البوتاجاز، وأضيفي السمن أو الزبدة مع الزيت، وشوحي البصل لحد ما يصير لونه أصفر فاتح.
2. ضيفي الثوم المفروم وقلبيه لحد ما تفوح ريحته، بعدين ضيفي التوابل كلها مع القرن الفلفل الحار وقلبي كويس عشان تتشوح.
3. أضيفي الطماطم المبشورة، صلصة الطماطم، السكر، والفلفل الرومي، وقلبي المكونات مع بعض كويس، وبعدين غطي الطاجن وسيبي الخليط يتسبك على نار هادية.
4. بعد ما يتسبك الخليط، ضيفي مرق اللحمة الساخن (حوالي كوب إلى كوب ونص)، وحطي قطع اللحمة المسلوقة في الصوص، وسيبيها على نار هادية علشان اللحمة تمتص الطعم كويس.
5. لما الخليط يوصل للقوام اللي تحبيه، عدلي الملح والفلفل حسب الذوق.
6. دخلي الطاجن تحت الشواية لحد ما ياخد وش اللحمة لون ذهبي جميل.

⸻

التقديم:

قدمي الطاجن ساخن مع أرز أبيض أو عيش بلدي

الرز المعمر على أصوله

المقادير:
• كمية الأرز حسب الرغبة (مثلاً 4 أكواب)
• 4 أكواب لبن حليب ساخن
• 1 كوب ماء ساخن
• 2 معلقة كبيرة زبدة أو سمنة بلدي
• 1 معلقة صغيرة ملح
• ملعقة صغيرة زيت أو قطعة زبدة لدهن الطاجن

⸻

طريقة التحضير:
1. اغسلي الأرز كويس في مصفاة لحد ما ينزل مية صافية، وبعدين صفيه كويس جدًا.
2. ادهني قاع الطاجن أو الصينية بمعلقة زيت أو قطعة صغيرة من الزبدة، وبعدين افردي الأرز فيها بشكل متساوي.
3. لكل كوب رز ضيفي كوب وربع من السوائل (لبن ساخن + ماء ساخن)، مع إضافة الملح وتقليب خفيف على الأرز.
4. على وجه الأرز، ضيفي ملعقتين زبدة أو سمنة بلدي. لو حابة الوش يطلع أحمر ولامع، ممكن تضيفي شوية قشطة مع الزبدة قبل ما تدخلي الطاجن الفرن.
5. نقطة مهمة: لو بتستخدمي زبادي، يفضل تستغني عنه لأنه مع الحرارة هيفصل ويتجبن وهيأثر على قوام الأرز.

⸻

طريقة التسوية:
• سخني الفرن على درجة حرارة عالية، ودخلي الطاجن لحد ما يبدأ يغلي.
• بعد الغليان، وطّي النار على درجة حرارة متوسطة لحد ما الأرز يتشرب السوائل كلها.
• بعد كده، خففي الحرارة لأقل درجة وسيبيه 15 دقيقة كمان

كفتة بالطماطم

⸻

المقادير:

للكفتة:
• ½ كيلو لحم مفروم
• 1 بصلة مفرومة ناعم
• 1 بيضة
• 2 ملعقة كبيرة بقدونس مفروم
• 2 ملعقة كبيرة بقسماط
• ½ ملعقة صغيرة بابريكا
• ½ ملعقة صغيرة كمون
• ملح وفلفل أسود حسب الرغبة
• (اختياري) فلفل أخضر حار مفروم

للصلصة:
• 2 طماطم مبشورة
• 1 فلفل أصفر مقطع صغير
• 1 فص ثوم مفروم
• 3 ملاعق كبيرة صلصة طماطم
• 1 كوب ماء

⸻

طريقة التحضير:

اخلطي كل مكونات الكفتة في وعاء كويس لحد ما تتجانس، وشكليها كرات متوسطة الحجم.
في طاسة على النار، سخني شوية زيت وحمري كرات الكفتة لحد ما تاخد لون ذهبي، بعدين ارفعيها على ورق مطبخ للتخلص من الزيت الزائد.
في نفس الطاسة، شوحي الثوم المفروم لحد ما يطلع ريحته.
ضيفي الطماطم المبشورة وقلبّيهم مع بعض لمدة دقيقتين.
أضيفي صلصة الطماطم وكوب الماء، وضبطي الملح والفلفل حسب الذوق، وقلبي كويس.
رجّعي كرات الكفتة للطاسة وسيبيها على نار متوسطة حوالي 15 دقيقة.
ضيفي الفلفل الأصفر وسيبي الخليط 10 دقايق كمان لحد ما الصلصة تتسبك والكفتة تمتص النكهات.
قدميها سخنة مع أرز أبيض أو عيش بلدي

كباب الحلة

المقادير:
• نص كيلو لحمة مكعبات (وش فخذ أو موزة)
• 2 بصل كبار مقطعين جوانح
• 2 فص توم مفروم
• 2 معلاقة كبيرة سمنة أو زبدة
• 1 معلاقة كبيرة زيت
• 1 معلاقة صغيرة ملح
• نص معلاقة صغيرة فلفل أسود
• 1 معلاقة صغيرة بهارات لحمة
• نص معلاقة صغيرة بابريكا
• 2 ورق لورا
• 3 حبات حبهان
• 1 كوب ميّه سخنة أو مرقة لحمة

⸻

طريقة التحضير:
1. في حلة سخنة على نار متوسطة، حطي السمنة والزيت لحد ما يسخنوا.
2. ضيفي اللحمة وشوّحيها على نار عالية لحد ما تاخد لون بني من كل الجهات.
3. ضيفي البصل وقلبيه لحد ما يدبل ويغمق لونه.
4. حطي التوم، ورق اللورا، الحبهان، البهارات، والبابريكا، وقلبي لحد ما تطلع ريحة الحاجات دي.
5. صبّي الميّه أو المرق، وقلّبي كويس.
6. غطي الحلة وسيبها على نار هادية حوالي 45-60 دقيقة لحد ما اللحمة تستوي، مع تقليب كل شوية وإضافة ميّه لو احتاجت.
7. قدّمها سخنة مع أرز بالشعرية أو عيش بلدي