مقادير وطريقة البيتزا الهشة 😍♥️
المقادير:
5 كوب دقيق
1 معلقة كبيرة سكر
1 معلقة صغيرة ملح
2 معلقة كبيرة خميرة فورية
2 معلقة كبيرة حليب بودرة (اختياري)
1/2 كوب زيت (عادي أو زيتون)
1 و1/2 كوب ماء دافي (يُضاف بالتدريج حسب نوع الدقيق)
الصلصة:
4 حبات طماطم
2 فص ثوم
1 بصلة مقطعة 4 أجزاء
1/4 كوب ماء
ملح
فلفل أسود
رشة زعتر
ثوم بودرة
رشة زيت
اختيارات الحشو:
طماطم
فلفل رومي
زيتون
فراخ
سلامي
سجق
تونة
مشروم
جبنة رومي
جبنة شيدر
جبنة موتزاريلا
طريقة التحضير:
• في بولة كبيرة، اخلطي الدقيق مع السكر، الملح، الخميرة، والحليب البودرة.
• ضيفي الزيت وقلّبي كويس، وبعدها ضيفي الماء الدافي تدريجي واعجني لحد ما توصلي لعجينة طرية وناعمة.
• غطيها بفوطة قطن وسيبيها تختمر في مكان دافي لحد ما يتضاعف حجمها.
تحضير الصلصة:
• على نار هادية، ضيفي الطماطم، التوم، البصل وربع كوب ماء، وسيبيهم يتهروا.
• بعد ما يستووا، اخلطيهم في الخلاط.
• رجعيهم على النار مع شوية ملح، فلفل، زعتر، ثوم بودرة، وزيت، وسيبيهم ياخدوا غلوتين.
تجهيز البيتزا:
• خدي كورة من العجينة وافرديها على شكل دايرة، وخلي بالك إنها هتعلى في الفرن.
• شكشكي العجينة بالشوكة، وافردي طبقة خفيفة من الصلصة، وحطي الحشوة اللي تحبيها، وادخلي البيتزا فرن سخن على 200 درجة من تحت.
• أول ما الأطراف تبدأ تحمر، طلعيها، ورشي جبنة موتزاريلا على الوش، وادخليها تاني لحد ما الجبنة تسيح وتاخد لون.
نصايح وتركات:
• طلعي الجبنة من التلاجة قبل الاستخدام بـ 15 لـ 20 دقيقة علشان تفك خالص.
• لو بتحبي القاعدة تبقى مقرمشة، افردي العجينة رفيعة وسيبيها تاخد لون كويس من تحت.
• ممكن تدهني الوش قبل ما تدخل الفرن برشة زيت زيتون أو زيت عادي علشان الجبنة تاخد لمعة حلوة.
• يفضل تغطي العجينة وهي بتختمر بفوطة قطن علشان ما تنشفش.
• افردي رشة جبنة موتزاريلا بسيطة على الصلصة قبل دخول الفرن علشان تمسك الحشو، ولما البيتزا تبدأ تستوي والأطراف تحمر، طلعيها وضيفي باقي الجبنة، وادخليها الفرن تاني علشان تسيح وتاخد لون حلو.
بالهنا والشفا ♥️