ملف المقبلات والسلطات خطيررررر

 

🥟 السمبوسة المقرمشة… طعم يذوب في الفم! 🧡

🛒 المقادير:

1 عبوة سمبوسة جاهزة

2 كوب حشو حسب الرغبة (جبنة / لحمة / خضار)

2 ملعقة كبيرة دقيق مذوبة في ½ كوب مية (للقفل)

زيت غزير للقلي

🔸 حشو الجبنة:

1 كوب جبنة بيضا مفتتة

½ كوب جبنة رومي مبشورة

رشة زعتر أو شبت مفروم

🔸 حشو اللحمة:

½ كيلو لحمة مفرومة

بصلة مبشورة

ملح + فلفل أسود + بهارات لحمة

👩‍🍳 طريقة التحضير:

طلّعي أوراق السمبوسة وفكيها براحة.

حضّري الحشوة:

جبنة: اخلطي الجبن مع الزعتر أو الشبت.

لحمة: شوّحي البصلة مع شوية زيت، ضيفي اللحمة والبهارات لحد ما تستوي وتنشف ميتها.

خدي شريحة سمبوسة، وحطي ملعقة صغيرة من الحشو على الطرف.

لفّيها مثلثات، وادهني الأطراف بخليط الدقيق والمية علشان تتقفل كويس.

سخني زيت غزير واقليها على نار متوسطة لحد ما تبقى دهبية ومقرمشة.

طلعيها على ورق مطبخ علشان تتصفى من الزيت الزيادة.

✨ قدميها سخنة مع كاتشب أو صوص على مزاجك… و بالهنا والشفا ♥️

🥔🍖 بطاطس بورية باللحمة المفرومة… أكلة بيتي ملوكية! 👑

🛒 المقادير:

لحمة مفرومة معصجة

2 كيلو بطاطس

4 ملاعق كبيرة زبدة 🧈

1 كوب حليب 🥛

2 بيضة 🥚

ملح + فلفل أسود حسب الرغبة

(اختياري) جبنة موتزاريلا أو شيدر للوش 🧀

👩‍🍳 طريقة التحضير:

اسلقي البطاطس، قشريها واهرسيها وهي سخنة.

ضيفي الزبدة والحليب وقلّبي كويس لحد ما الخليط يبقى كريمي، وتبّليه بالملح والفلفل.

افردي نص الكمية في قاع صينية بايركس، وحطي فوقها طبقة اللحمة المفرومة.

وزّعي باقي البطاطس على الوش وسوّيها كويس.

اخفقي البيض مع ¾ كوب حليب + رشة ملح وفلفل، وادهني بيهم الوش.

(اختياري) رشي جبنة موتزاريلا أو شيدر للوش.

دخّلي الصينية الفرن على 170° لمدة نص ساعة لحد ما الوش يستوي وياخد لون دهبي جميل.

✨ قدميها سخنة جنب سلطة خضرا أو طحينة… هتبهرك الطعم والريحة 😋♥️

🥗🌮 سلطة فاهيتا دجاج

السلطة دي تعتبر وجبة متكاملة.. غنية بالبروتين، خفيفة ومليانة نكهات 🔥😋

🛒 المقادير:

مقادير الصوص:

1 كوب زبادي

2 م.ص عصير ليمون

1 م.ص بهارات فاهيتا

1 م.ص بهارات مشكلة

مقادير السلطة:

2 صدر دجاج مقطع شرائح بالطول

2 كوب فلفل ألوان مقطع

1 بصلة مقطعة شرائح

2 كوب خس مقطع

نصف م.ص شطة بودرة

1 م.ص ملح

1 م.ص فلفل أسود

2 م.ص زيت نباتي

خبز محمص مقطع للتقديم

👩‍🍳 طريقة التحضير:

سخني الزيت، وشوحي الدجاج لحد ما لونه يبقى أبيض.

تبليه بالملح، الفلفل، الشطة، بهارات الفاهيتا والمشكلة.

أضيفي البصل والفلفل وقلبي لحد ما الدجاج يستوي.

لتحضير الصوص: اخلطي الزبادي مع عصير الليمون والبهارات لحد ما يتجانس.

في طبق التقديم: وزعي الخس، فوقه الدجاج والخضار، وزيني بالصوص والخبز المحمص.

✨ نصيحة: جربي تعصري شوية ليمون على السلطة بعد التقديم أو زودي مكعبات خبز محمصة للقرمشة.

🍄🔥 المشروم المقرمش… سناك خفيف ولذيذ! 😋

🛒 المقادير:

2 كوب مشروم طازة

1 كوب دقيق

¼ كوب نشا

¼ ملعقة صغيرة بيكنج بودر

¼ ملعقة صغيرة ملح

رشة فلفل أسود

1 كوب ماء

2 كوب بقسماط مطحون

👩‍🍳 طريقة التحضير:

في طبق كبير اخلطي الدقيق + النشا + البيكنج بودر + الملح + الفلفل.

ضيفي الماء تدريجيًا وقلّبي لحد ما يتكون خليط متجانس.

غمسي المشروم في الخليط، وبعدها في البقسماط المطحون.

اقليه في زيت غزير سخن لحد ما ياخد لون دهبي مقرمش.

قدميه سخن مع الصوص المفضل عندك (زي رانش، باربكيو أو كاتشب).

✨ النتيجة: مقرمش من بره وطري من جوه… تحفة! 😍

🥗🇱🇧 التبولة اللبنانية… سلطة منعشة وصحية! 😋

🛒 المقادير:

2 كوب بقدونس مفروم ناعم (حوالي باقتين) 🌿

¼ باقة نعناع مفروم ناعم

1 بصلة صغيرة مكعبات أو 3–4 عيدان بصل أخضر مفروم

4 حبات طماطم وسط مكعبات صغيرة 🍅

2 ملعقة كبيرة برغل ناعم (مغسول)

¼ كوب عصير ليمون 🍋

¼ كوب زيت زيتون 🫒

ملح حسب الرغبة

👩‍🍳 طريقة التحضير:

قطّعي الطماطم مكعبات صغيرة، وضيفي لها البرغل المغسول واتركيهم شوية لحد ما البرغل يتشرب ماية الطماطم.

في طبق واسع: ضيفي البقدونس + النعناع + البصل.

أضيفي خليط الطماطم والبرغل.

صبي عصير الليمون + زيت الزيتون + الملح، وقلّبي كويس لحد ما المكونات تتجانس.

✨ التبولة هتكون جاهزة… طعمها منعش، صحي، وبيفتح النفس! 😍

🧄 الثــومية الأصلية زي المطاعم ✨

🛒 المكونات:

1 كوب ماء

2 م.ك نشا

2–3 فصوص ثوم مفروم (حوالي 1 م.ك)

1 م.ص خل أبيض

2 م.ك عصير ليمون 🍋

3 م.ك حليب

2 م.ك مايونيز (أو نص علبة زبادي كبديل صحي)

¼ كوب زيت 🫒

½ م.ص ملح

👩‍🍳 طريقة التحضير:

في حلة صغيرة: دوبّي النشا مع كوب الماء على البارد.

ارفعي الحلة على النار مع التقليب المستمر لحد ما الخليط يغلي ويتقل. سيبيه يبرد ساعة كاملة.

في الخلاط: ضيفي الثوم + الحليب + المايونيز (أو الزبادي) واضربيهم كويس.

نزّلي خليط النشا المبرد، وبعدين ضيفي الملح + الزيت + الخل + عصير الليمون.

اضربي الخليط لحد ما يبقى ناعم وكريمي.

دخلي الثومية التلاجة لحد الاستخدام.

✨ النتيجة: ثومية ناعمة، كريمية، وطعمها زي المطاعم بالظبط! 😍

🥒 سلطة الزبادي المنعشة ✨

🛒 المكونات:

500 جرام زبادي

3 فصوص ثوم مفروم

1 م.ص نعناع ناشف 🌿

4–5 خيار مبشور (معصور ومصفّى من الميه)

زيت زيتون حسب الرغبة 🫒

1 م.ص ملح

1 م.ص فلفل أسود

👩‍🍳 طريقة التحضير:

في بولة كبيرة، اخلطي الزبادي مع الثوم، النعناع الناشف، الخيار المبشور، الملح، والفلفل الأسود.

قلّبيهم كويس ودخلي السلطة التلاجة ساعة قبل التقديم علشان الطعم يتجانس.

عند التقديم، اغرفيها في طبق وزيّنيها بورق نعناع فريش ورشة زيت زيتون.

✨ النتيجة: سلطة خفيفة، منعشة، ومناسبة جنب أي أكل مشوي أو أرز 😍

🥗 كولسلو كريمي زي المطاعم ✨

عايزة تعملي كولسلو زي بتاع المطاعم بالظبط؟ جربي الوصفة السهلة دي وهتدعيلي 😍

🛒 المكونات:

1 كرنب سلطة صغير مفروم ناعم

2 جزرتين وسط مبشورين

للخلطة:

4 م.ك مايونيز كبار

2 م.ك خل

½ ليمونة

2 – 3 م.ك سكر (حسب المذاق)

حليب (للتخفيف لحد ما القوام يبقى كريمي)

👩‍🍳 طريقة التحضير:

في طبق غويط، اخلطي المايونيز مع السكر، الخل، عصير الليمون، والحليب. قلبي كويس لحد ما القوام يبقى ناعم وكريمي.

ضيفي الجزر المبشور والكرنب المفروم، وقلبيهم مع الخلطة لحد ما يتغلفوا كويس.

دخلي الكولسلو التلاجة ساعة قبل التقديم علشان الطعم يتشرب.

✨ والنتيجة: طبق كولسلو كريمي وطعمه زي بتاع أشهر المطاعم بالظبط 😋

🥔🧄 بطاطس مهروسة بالثوم والزبدة

وصفة كريمية ولذيذة.. الطبق المثالي جنب اللحوم والفراخ المشوية 😍✨

🛒 المقادير:

4 حبات بطاطس مسلوقة ومبشورة

¼ كوب حليب

4 م.ك زبدة

3 فصوص ثوم مهروس

1 م.ص ملح

بقدونس مفروم للتزيين

👩‍🍳 طريقة التحضير:

اهرسي البطاطس مع الزبدة والحليب كويس لحد ما يبقى الخليط ناعم وكريمي.

ضيفي الثوم المهروس + الملح، وقلبي لحد ما تتجانس المكونات.

اغرفيها في طبق التقديم، وزيني بالبقدونس المفروم.

✨ قدميها سخنة جنب اللحوم أو الفراخ المشوية، وهتخلي سفرتك شكلها وطعمها أفخم بكتير 😋

🧅✨ حلقات بصل مقرمشة زي المطاعم

لو نفسك تعملي سناك خفيف ولذيذ، جربي حلقات البصل المقرمشة.. سهلة وهتعجب الكل 😍

🛒 المكونات:

3 بصلات كبيرة مقطعة حلقات سميكة

1 ونص كوب دقيق

1 م.ص بيكنج بودر

1 م.ص ملح

رشة فلفل أسود

2 بيضة

1 كوب حليب

1 كوب بقسماط مطحون

زيت للقلي

👩‍🍳 طريقة التحضير:

اخلطي الدقيق مع البيكنج بودر والملح والفلفل. غطي حلقات البصل بالخليط وسيبيها على جنب.

اخلطي البيض مع الحليب، وغمسي البصل فيه.

غلفي الحلقات بالبقسماط كويس لحد ما تتغطى تمامًا.

اقليها في زيت متوسط السخونة لحد ما تبقى دهبية ومقرمشة.

طلعيها على مناديل مطبخ عشان تشرب الزيت الزائد.

✨ قدميها سخنة مع كاتشب أو مايونيز أو أي صوص بتحبيه! 😋

:

🥄🌿 سلطة الطحينة الأصلية

من أكتر السلطات اللي بتكمل أي أكلة شرقي 👌 جربيها بالطريقة دي وهتطلع كريمية ومضبوطة على الآخر!

🛒 المكونات:

1 كوب طحينة

2 فص ثوم مهروس

رشة (ملح / فلفل أسود / كمون / كزبرة / جوزة الطيب)

عصير ليمون

3 م.ك خل أبيض

ماء ساخن حسب الحاجة

👩‍🍳 الخطوات:

في طبق، اخلطي الطحينة مع الثوم المهروس والملح والتوابل.

ضيفي شوية ماء ساخن وقلبي بالمضرب السلك كويس.

نزلي بعصير الليمون مع الاستمرار في التحريك.

كمّلي إضافة المياه تدريجيًا لحد ما توصلي للقوام اللي بتحبيه.

✨ تقدري تقدميها مع المشويات، الفلافل أو حتى سندوتشات الكبدة والكفتة.

🥗✨ سلطة بابا غنوج

من أشهى وأخف المقبلات الشرقية اللي بتفتح النفس جنب المشويات أو العيش البلدي 😋🔥

🛒 المقادير:

2 باذنجان رومي متوسط (مشوي ومقشر)

2 م.ك طحينة

50 جم زبادي

2 م.ك عصير ليمون

2 م.ك خل

2 م.ك زيت زيتون

4 فصوص ثوم مهروس

ملح + فلفل أسود + كمون

بقدونس مفروم للتزيين

👩‍🍳 طريقة التحضير:

نهرس الباذنجان بالشوكة أو في الكبة.

نضيف الطحينة، الزبادي، عصير الليمون، الخل، الثوم، الملح، الفلفل، الكمون وزيت الزيتون ونقلب كويس.

نزين بالبقدونس المفروم ورشة زيت زيتون.

نقدمها سخنة أو باردة حسب الرغبة.

✨ جربيها وهتلاقي الطعم أحلى من المطاعم!

🍄 شوربة المشروم بالكريمة

🛒 المكونات:

2 م.ك زبدة

1 بصلة مفرومة ناعم

3 فصوص ثوم مفروم

250 جم مشروم طازة مقطع شرائح

2 م.ك دقيق

3 أكواب مرقة (دجاج أو خضار)

1 كوب كريمة طبخ

ملح وفلفل أسود حسب الرغبة

رشة جوزة الطيب (اختياري)

بقدونس مفروم للتزيين

👩‍🍳 طريقة التحضير:

سخني الزبدة في حلة، وضيفي البصل وقلّبيه لحد ما يبقى شفاف.

ضيفي الثوم وقلّبي دقيقة، بعدها ضيفي المشروم وقلّبيه لحد ما يطرى وينزل مياته.

رشي الدقيق على المشروم وقلّبي كويس.

صبي المرقة تدريجيًا مع التقليب المستمر لحد ما القوام يتماسك.

سيبي الخليط يغلي على نار هادية 10 دقايق.

ضيفي الكريمة وقلّبي، وسيبيه 5 دقايق من غير غليان.

تبّلي بالملح، الفلفل، وجوزة الطيب.

قدميها سخنة مزينة بالبقدونس.

💡 لو بتحبي الشوربة أنعم، اضربيها في الخلاط قبل ما تضيفي الكريمة.