عزومة مراكبية مثل شعبى معروف فى مجتمعنا
دايما بيتقال على الشخص (البخيل)
والمثل لية حكايه كان بطلها الصيادين كان نوع من انواع الواجب عندهم يعزموا اى حد معدى على الشط على الغدا
لكن الحقيقة هما بياكلوا اكلهم فى عرض البحر ، يعنى عزومة مراكبية كلام وخلاص
و البخل مش بس فى أشياء مادية
دا فى بخل فى المشاعر
بيبان فى الأزمات والمواقف
وقت الشدة وقت المحنة
ساعاتها بتعرف مين بيقف جنبك بجد
ومين بيعزم عزومة المراكبية
مين بيدى حب ومشاعر
ومين بيتصنع الود
مين بيدى اهتمام ومساندة
ومين بيتحجج بمشغولياتة
الحياة بتنكمش والتواصل بقى رساله والمشاعر اختفت ورا الشاشات
تتعزم برساله ...وتتعزى برساله
وما بين كل دا المعانى بتوه وسط الكلام
خليك كريم فى مشاعرك
شارك وقت الأزمات
كتفك فى كتف اللى محتاجك
قول كلام حلو بلاش عزومة المراكبية
الكلمة الحلوة بتشجع
الكلمة الحلوة ارخص طاقة بتحركنا
الكلمة الحلوة بتمسح متاعب الناس
الكلمة الحلوة بطبطب على القلب
الكلمة الحلوة بتنور الوشوش
جميلة بالتوفيق والنجاح
ردحذفشكرا جدا
ردحذف🖇💖💖
ردحذف