واحنا فى طريقنا
ساعات نلاقى ناس
بتجتهد علشان تعيش بكرامة ومتلجأش للتسول
وتمد ايديها
ومنها ناس كبيرة فى السن
ماشية بالعافية
فى عز البرد
وممكن شباب بتصرف على تعليمها
أو مش لاقية شغل وبتصرف على اسرة
بتبيع مناديل ، نعناع
وساعات منتجات رديئة
بصرف النظر عن المنتج
دعمهم واشتريه
شجعهم على اكل العيش بكرامة
بدل التسول
ومد الايد
المنتج اللى هتشترية
هيأكل أسرة
هيشجع شاب
هيفرح عيلة
المنتج اللى هتشرية
مش هيفرق من 100 منتج عندك
وممكن تشترية وتتبرع بيه
لأسرة محتاجة
هيفرق معاها ومش هيفرق نوع المنتج لو هيسد الاحتياج
اتبرع حتى لأطفال الشوارع
اللى لو المنتج بالنسبالك ردئ
بالنسبالهم نعمه من ربنا
الدعم والمساندة بيفرقوا
تشجيعك ليهم مساعدة
ياريت نبص لبعض
بعين الرحمة
ازرع خير ...تحصد خير
حوش لبكرا
فى زمن الاحتياج
فى الأزمات...فى الشدة
هتلاقى اللى يسدد احتياجاتك
طول ما ايدك مفتوحة بالعطاء
ربنا هيملاها ليك بالخير تانى
واللى هاتعطية لربنا على اد ايدك
ربنا هيعطيهولك على اد كرمه
ربنا كريم
أعطوا ...تعطوا
رائعة جدا والاجمل المعانى والكلمات البسيطه ربنا يوفقك
ردحذفروعة يا ابتسام ربنا يوفقك حبيبتى ويزيدك حكمة ونعمة وبركة كمان وكمان
ردحذف