.jpeg)
فعلا احلى كيك صيامى عملتة فى حياتى طريقتة سهلة جدا ومتماسك وينفع لكل المناسبات..ممكن يتزين ويبقى جاتوة وممكن كمان ينفع تورتة لأعياد الميلاد
مقادير مختلفة عن كل الكيك الصيامى اللى كلنا عارفنها لأنها بتتعمل بالتفاح أيوة متستغربوش عايزة اقولكم طعمها تحفة
.jpeg)
عدد 2 تفاح حجم كبير
كوب ونصف دقيق
4/3 كوب سكر
ملعقة صغيرة بيكنج بودر
ربع ملعقة بيكنج صودا
ربع ملعقه ملح
باكو فانيليا
ملعقة كبيرة خل
2/1 كوب كاكاو خام
2/1 كوب ماء
الطريقه
يقشر التفاح ويسلق ويهرس جيدا لغاية ما يبقى كريمى مافيش اى تكتلات
نجيب بوله كبيرة نضع فيها التفاح والسكر والزيت والخل والبيكنج بودر والبيكنج صودا والفانيليا والملح ونخفق جيدا
الخطوة التانية
ننخل الدقيق والكاكاو الخام ونقلب من تحت لفوق لمنع خروج الهوا اخر حاجة نضع الماء ونقلب برفق
ملحوظة ممكن نضيف ملعقة نسكافيه حسب الرغبه
وممكن كمان نضيف مكسرات كا حشو وممكن نزين الوجه بصوص شيكولاته وشوكت شيبس الأفكار كتير ....جربوها وقولولى .