رغفين عيش وسيبني اعيييييش 🔥 اكله هتلاقي نفسك تلقائي هتقومي تعمليها حاااالا من ريحتها 😋
البصارة
فول مدشوش - كزبرة - ربطة بقدونس -بصل اخضر
٦ فصوص توم - قرن فلفل حامي
ملح - كمون -م ك ملوخية ناشفة
م ص نعناع ناشف -زيت تحمير البصل
الطشة
ثوم مفروم -كزبرة ناشفه
زيت تحمير البصل
حمري البصل زي بصله الكشري
انقعي الفول لمده ساعه او اكتر
في حله فيها مايه بتغلي علي النار حطي الفول المدشوش وفصوص الثوم والنعناع الناشف والملوخيه الناشفة وبصل اخضر وبصلايه عاديه والخضره والكمون والشطه والملح وسبيها تغلي وتستوي علي نار هاديه
بعد ماتبرد اضربيها في الخلاط وارجعي حطيها علي النار وعليها كبشتين من زيت تحمير البصله وقلبيهم مع بعض
اعملي الطشة بتاعتنا بالريحة اللي هتجيب اخر الدنيا من التوم والكزبرة وزيت تحمير البصل و في الاخر رشه سمسم والف هنا وشفا
عدس بجبه بطعم امهاتنا زماااان)
ربع كيلو عدسة بجبه
بصله مكعبات
معلقة ثوم مفروم
حبه طماطم مكعبات
فلفل احمر حار
لتر من الماء
مكعب مرقة وكمون وكزبرة وفلفل اسود وشطه اختياري بلاش اي بهارات زيادة
الطريقة:-
هنقع العدس يعني مده نص ساعه او ساعه هغسله كويس بعد كده هسلقه في ميه وهجيب بصله معلقه سمنه بلدي مع الزيت اشوح البصله مع شويه ملح واول ما البصله توصل للون الاصفر اللون الذهبي هنزل عليهم بالطماطم ومكعب مرقة ويتسبكوا دقيقه وانزلهم على العدس ولما يستوى هجيب معلقه سمنه بلدي على زيت معلقه ثوم مفروم على قرن فلفل احمر هدقهم مع بعض بشويه كمون وشويه كزبره هحمر الثوم وهنزلهم على الوش كده وهزينهم بشويه بقدونس ولو عايزين تزودوا شويه ليمون وشطه بقى بس كده طبق طعمه تحفه خرافي مع شويه مخلل بقي ولا طماطم مخلله يالهوووى انسوا بقي اي حاجه 😋
المسقعة
خفيفة وسريعى
المقادير
واحدة باذنجان رومي
قرنين فلفل رومي
بصلة متوسطة
ثوم مفروم
2حبة طماطم
اختياري
2كوسة
جزرة
ملح وفلفل اسمر وكمون وشطة
معلقة زيت زيتون او ذرة
1/4كوب ميه
الطريقة
هنقطع كل المكونات مكعبات ونضعهم في اناء وعليهم التوابل ومعلقة الزيت وربع كوب مية وضعيهم على النار اول ما يسخنوا هدي النار هيبدا الخضار ينزل ميته واتركية حتى يستوي الخضار وكل شوية بصي عليه وقلبيه لو احتاج ميه ضيفي شوية صغيرين هتاخد على النار ربع ساعة تقريبا وبالهنا والشفا
وممكن طريقة اخرى
انك تدهني صينية زيت خفيف وتضعي فيه الباذنجان شرائح ووالفلفل الرومي وتدخليها الفرن اول ما ياخذ لون خرجية من الفرن ودبلي الثوم بنصف معلقة زيت ووتكوني ضربتي الطماطم في الخلاط وتنزلي بيهم على الثوم واول ما تصفى تضعي الباذنجان اللي حمرتية في الفرن وممكن اضافة فلفل حراق علشان تبقى اسبايسي وبالهنا والشفا
مسقعة الباذنجان بالبطاطس
المقادير
2 حبة باذنجان
2 حبة بطاطس
1 حبة فلفل أخضر
1 حبة فلفل حار "اختياري"
2 كوب عصير طماطم
2 فص ثوم مهروس
2 معلقة كبيرة صلصة طماطم
1 معلقة كبيرة خل
زيت
1 معلقة صغيرة ملح
نصف معلقة صغيرة كمون
رشة فلفل أسود
رشة زعتر
شطة "اختياري"
خطوات التحضير
يقشر البطاطس، والباذنجان، والفلفل ويقطع حلقات كلاً على حدة.
يرش البطاطس والباذنجان بقليل من الملح.
يقلى البطاطس، والباذنجان في الزيت حتى يحمر، ويترك جانباً.
يقلى الفلفل في الزيت حتى يذبل.
يوضع الزيت في مقلاة على نار متوسطة، ويوضع فيه الثوم حتى يصفر، ثم يضاف إليه الخل، وعصير الطماطم، ويقلب.
تضاف صلصة الطماطم، ويتبل الخليط بالملح والكمون والفلفل الاسود والزعتر والشطة، ويقلب جيداً، ويترك على نار هادئة حتى يتسبك.
ترص حلقات البطاطس والباذنجان والفلفل في صينية أو بايركس طبقات، مع مراعاة وضع القليل من الصلصة بين كل طبقة.
توضع باقي الصلصة على وجه الصينية.
يسخن الفرن على درجة حرارة 140 مئوية.
تدخل الصينية الفرن لمدة من 20 إلى 30 دقيقة حتى تنضج.
تعرض للهيب الشواية لمدة دقيقتين حتى تحمر.
تقطع، وتقدم
طريقة عمل مكرونة ال 10 دقائق من غير سلق👌🌹🌹
المكونات 🥰🥰
كيس مكرونة
2 ثمرة طماطم
فلفل ألوان
2 ثمرة فلفل اخضر
2 فلفل اخضر حار
بصلة متوسطة
ثوم مفروم
4 ملاعق صلصة
ملح وفلفل
ملعقتين زيت نباتي
كوب ماء
الطريقة 🤩🤩
في وعاء ضعي المكرونة دون سلق
قومي بتقطيع الطماطم والفلفل والبصل مكعبات صغيرة
ضيفي مكعبات الخضار في الوعاء مع المكرونة وضيفي الثوم
ضيفي الملح والفلفل والزيت
قومي بتقليب المكونات جيدا معًا واتركيها على نار هادئة مع تزويدها بالماء عدة مرات حتى تنضج
كشري_الحلة_الواحدة
المكونات 🥰🥰
كوب عدس بجبه منقوع ساعة في ميه سخنة
٢كوب رز مصري
كوب مكرونة صفيرة
نضيف جزء من المكرونة يكون اسباجيتي اختياري
نصف كوب شعرية
عصير طماطم
معلقة كبيرة ثوم مفروم ناعم
٢ بصلة كبيرة مقطع شرايح
نصف كوب حمص مسلوق
زيت
ملح
فلفل اسود
كمون
شطة
الطريقة 🥰
هنغسل العدس ونصفيه وهنضيف له ميه مغليه ونسيبه نص ساعة وبعدين نصفيه في مصفاة ونسيبه علي جنب
في حلة علي النار والافضل تكون كبيرة
نضيف زيت و هنكون مقطعين البصل شرايح رفيعه جوليان
هنحمره لحد ما ياخد لون ذهبي نرفعه من الزيت على ورق مطبخ و في نفس الزيت
ننزل بالشيعرية ونحمرها لحد ما تاخد لون بعدها
ننزل بالعدس ونقلب وننزل بالارز ونقلب والمكرونة والملح والفلفل والكمونونقلب وننزل بالماية المغليه تغطي الكميه علي نار هاديه خالص نسيبه بالظبط ٣٠ دقيقة او اكتر خمس دقائق
الصلصة🥰
في شوية زيت هنزل بالثوم المفروم واول ما ياخد لون ذهبي انزل بفنجان خل والطماطم والملح والفلفل والكمون ورشة شطة ومعلقة صغيرة سكر
اسيبهم يتسبكوا
دقة الكشري بالخل والثوم 🥰
نصف معلقة توم مفروم وعليها معلقتين خل ومعلقتين عصير ليمون وكوب ماء وملح وكمون ونقلب
نقدم طبق الكشري ونزينه بالبصل المحمر والحمص المسلوق ومعاه صلصة الكشري والدقة بالخل والثوم
بالهنا والشفا 🥰🥰
طريقه عمل الطماطم المخلله 🍅🍅
الي تفتح النفس علي اي اكله😋👌
_________________________
المقادير
_______
٤ حبه طماطم
ملعقه صغيره توم مهروس
مملعقه صغيره كمون
ملعقه صغيره كزبرة جافة
ملح ( حسب الرغبه )
٢ فلفل حامي
عصير ليمونه
ملعقه صغيره خل
ملعقه كبيره بقدونس مفروم
ملعقه كبيره زيت زيتون او زيت ذرة
طريقة التحضير🧑🍳
____________
هنقطع الطماطم و نشقها اربع اجزاء .
بعد كده هنخلط الثوم مع الملح و الكمون و الكزبرة و الفلفل و عصير الليمون والبقدونس كله في الكبه .
هنحشي الطماطم بالحشو السابق و نضيف على الوجه الزيت ثم تقدم
وبألف هنا❤️❤️
سلطة الطحينه الاقتصادية اللي من غير طحينة يا جمااااالوا😋😋
عيش شامي -ثوم مفروم - ملح -كمون - شطة -عصير ليمون - خل - زيت - ماء
هاتي رغفين عيش شامي وانقعيهم في كوبايه مايه سخنة شوية
اديهم ضربه في الخلاط وبعدين حطي التوابل مع عصير الليمون والخل والزيت في الاخر وبسسس كد
سلطة بطاطس مشطشطة🔥🔥
و لو الفلفل الأحمر 🌶️ بارد تبقى مش مشطشطة😂
بطاطس مخللة تفتح النفس 🤤🤤🤤
بتاعت مطاعم الفطير الشرقى 🤤🤤🤤
الطريقة
و يا سلام عليها مع ساندوتش كبدة اسكندراني 😋
بطاطس مقشرة و متقطعة مكعبات صغيرة 💯
نسلقها 3/4 سلقة و نصفيها 💯
لحد ما تتسلق نجيب بولة عميقة نحط فيها👇👇
معلقتين هريسة فلفل احمر 🌶️
م ص توم مفروم 🧄
ملح و فلفل و كمون و كسبرة و كركم و خل و زيت
شوية خضرة(بقدونس و شبت و كزبرة)
يمكن الاستكفاء بالكزبرة الخضرا بس 👌
أول لما البطاطس تتسلق و هى ساخنة ننزل بيها على الصوص و نقلبها و نسيبها تشرب الصوص ربع ساعة
و بالهنا ❤️
كشري العدس الاصفر
مقادير الكشري
1\4 كيلو عدس أصفر
1\2 كيلو أرز
2 ونصف كوب ماء مغلي
بصلة متوسطه وفصين توم
توابل كمون وفلفل أسود وملح
جزرة مبشورة (اختياري)
1\4 كوب زيت
طريقة التحضير
يخلط العدس بالأرز ويغسل جيدا بالماء.
تشوح البصلة في “حلة” بها زيت حتى يصبح لونها أصفر.
يضاف فصين الثوم المهروسين ثم تضاف التوابل.
يضاف العدس والأرز على البصل والثوم ويقلب على النار.
ثم يضاف الماء المغلي ننتظر حتى يغلي الماء حتى يتشرب.
تخفض نار البوتاجاز ويضاف الجزر المبشور، ويقلب ويترك حتى ينضج.
يرفع من على النار ويترك مغطى حتى التقديم.
يمكن الاستغناء عن البصل والثوم ويقلب العدس والارز مع الزيت وتضاف التوابل والملح والماء
ويمكن أن يوضع جانبه أو عليه بيض مسلوق ومحمر في الزبدة، كما يمكن رش بصل محمر على الطبق عند التقديم
بـُهــــــــارات البطاطــــس المقليــــــة🍟🍟
___________________________
المكونات
-
-ملعقة كبيرة ملح
- نصف ملعقة صغيرة كاري
- نصف ملعقة صغيرة بابريكا ( حارة او حلوة ) علي حسب الرغبه
- ربع ملعقة صغيرة فلفل أسود
- ربع ملعقة صغيرة ثوم باودر
- ربع معلقه صغيره جنزبيل مطحون
- ربع معلقه صغيره زعتر مطحون
- ربع معلقه صغيره كزبرة ناعمه
الطريقة
_____
تُخلط جميع المقادير جيداً .
تُرش على البطاطس ، أو تُحفظ في برطمان لحين الإستخدام .
وبألف هنا ❤️❤️
صدقائي اللي طلبوا مني التومية❤️
🔴 الثومية .. (بطريقة المطاعم) بأسهل طريقة 👌😉
دايما بنحب نعملها زى ما بناكلها فى المطاعم السورى ومش دايما بتظبط معانا فى البيت 😊☺️ فى ناس بتحط عليها بياض بيض أو بيض كامل او زبادى أو مايونيز وحاجات تانى كتير ، كل ده جميل لو هنعملها فى البيت وحبينا نرفع من قيمتها الغذائية ونديها طعم مختلف.
لكن إنهاردة هقولكم على أسهل طريقة بأسهل مقادير واللى بتستخدمها المطاعم تحديدا وهتديكم أفضل نتيجة بإذن الله 👌😉
🔸 المقادير وطريقة التحضير ...
كوب من الماء ٢٥٠ ملم
معلقتين ونص كبار نشا
نصف ليمونه
معلقة صغيرة خل
نصف معلقة صغيرة ملح
فنجان زيت حوالى ١٢٥ ملم
ثلاث فصوص ثوم مقطعين شرائح
هناخود جزء من المية حوالى تلتين الكمية ونحطهم فى إناء على النار وندوب النشا على البارد فى التلت الباقى
اول ما المية تغلى هنزل عليها بالنشا وأقلب بالمضرب السلك بحركة سريعة لغاية ما أحصل على قوام تقيل جدا ولونه شفاف.
هقفل النار واسيبه يبرد تماماً وبعدها هاخدوا على الخلاط وهيكون بقى شبه قطعه الجيلاتين
هنزلوا فى الخلاط واعصر عليه نص الليمون واضيف معلقة الخل ونص معلقة الملح والثوم واشغل الخلاط لغاية ما الخليط يتحول للسائل
بعدها نضيف الزيت سرسوب شوية بشوية من فتحة الخلاط العليا لغاية ما أحصل على القوام واللون المطلوب
هتطلع معانا لونها ابيض فاتح جدا وقوامها مظبوط وطعمها أحلى بكتير من بره وكمية كبيرة كمان
هنحفظها فى برطمان فى التلاجة وناخد منها على قد الاستعمال وممكن تقعد لحد أسبوع طازة وزى الفل. 😉
جربوها وقولولى رأيكم وبألف هنا وشفا